ဈေးကွက်အတွင်း ရောင်းချနေသည့် အလှကုန်ပစ္စည်း အချို့၌ အရေပြားကင်ဆာ အပါအ၀င် အရေပြားရောဂါများ ဖြစ်နိုင်သော တားမြစ်ထားသည့် ဟိုက်ဒရိုကွီနုန်း အမည်ရှိ ဓာတုပစ္စည်းပါဝင် နေကြောင်းတွေ့ရှိ

Sunday, 15 January 2012 10:46

ဈေးကွက်အတွင်း ရောင်းချ လျက်ရှိသည့် အလှကုန်ပစ္စည်းအချို့ ၌ အရေပြားကင်ဆာ အပါအ၀င် အရေပြားတွင်ရောင်ခြယ်များ အလွန် အကျွံဖြစ်ပေါ်ခြင်း၊ အရေပြားထူခြင်း၊ စသည့် အရေပြားရောဂါများ ဖြစ်ပေါ်နိုင်သော တားမြစ်ထားသည့် ဟိုက်ဒရိုကွီနုန်းအမည်ရှိ ဓာတုပစ္စည်း ပါဝင်နေကြောင်း မြန်မာနိုင်ငံ ကျန်းမာရေးဆိုင်ရာ သုတေသနညီလာခံ ‘၂၀၁၁’ တွင် တင်သွင်းသော ပိုစတာ တစ်ခုအရ သိရသည်။ အဆိုပါ ဈေးကွက်ရှိ အလှကုန် ပစ္စည်းများထဲမှ ဟိုက်ဒရိုကွီနုန်းပါဝင်မှုကို ထိုင်းနိုင်ငံ ဆေးပညာဆိုင်ရာ ၀န်ဆောင်မှုဌာန၏ ဓာတ်ခွဲခန်း တွင် ပြုလုပ်သော စမ်းသပ်ပစ္စည်း ကရိယာများကို အသုံးပြု၍ ဆေးဝါးတက္ကသိုလ်(မန္တလေး) ဆေးဝါး ဖော်စပ်ရေးဗေဒဌာန၏ လက်တွေ့စမ်းသပ်ခန်းတွင် လေ့လာမှုကို ၂၀၁၀ ခုနှစ်အတွင်း၌ လုပ်ဆောင်ခဲ့ခြင်းဖြစ်ကြောင်း သိရသည်။ ဈေးကွက်အတွင်း ရောင်းချလျက်ရှိသည့် ပြည်ပမှ တင်သွင်းသော အလှကုန် ရှစ်မျိုးနှင့် ပြည်တွင်းမှ ဖြန့်ချိသည့် အလှကုန်လေးမျိုးကို စစ်ဆေးခဲ့ခြင်းဖြစ်ကြောင်း သိရသည်။ ဈေးကွက်အတွင်းရှိ ပြည်ပမှ တင်သွင်းသော မျက်နှာလိမ်း အောက်ခံမိတ်ကပ်များထဲမှ အမှတ်တံဆိပ် ရှစ်ခုကို စမ်းသပ်ရာတွင် အမှတ်တံဆိပ်သုံးခုတွင် ဟိုက်ဒရိုကွီနုန်း ပါဝင်ပြီး အမှတ်တံဆိပ်တစ်ခုမှာ အညွှန်း စာတမ်း မပြည့်စုံကြောင်း တွေ့ရှိခဲ့ရကြောင်းနှင့် ပြည်တွင်း၌ ထုတ်လုပ်သော မျက်နှာလိမ်း အောက်ခံမိတ်ကပ်များ ထဲမှ အမှတ်တံဆိပ်လေးခုကို စမ်းသပ်ရာ တွင် အမှတ်တံဆိပ် နှစ်ခုတွင် ဟိုက်ဒရိုကွီ နုန်းပါဝင်ပြီး အမှတ် တံဆိပ်နှစ်ခုမှာ အညွှန်းစာတမ်း မပြည့်စုံကြောင်း တွေ့ရှိရကြောင်းလည်း သိရသည်။ အဆိုပါ အန္တရာယ် ဖြစ်ပေါ်စေနိုင်သော ဓာတုပစ္စည်းဖြစ်သည့် ဟိုက်ဒရိုကွီနုန်းပါဝင်သော အလှကုန် ပစ္စည်းများနှင့် အညွှန်းစာတမ်း မပြည့်စုံသော အလှကုန်ပစ္စည်းများ ကို အများပြည်သူများ အသုံးပြုလျက် ရှိနေကြောင်းလည်း သိရသည်။ ‘‘လက်ရှိမှာ အလှကုန်ပစ္စည်း အများစုက  ယိုးဒယားကနေ ၀င်တာပါ။  အခုနောက်ပိုင်းမှာ တံဆိပ်တူ တန်ဖိုးနည်းတဲ့ တရုတ်ပစ္စည်းတွေလည်း ၀င်လာတာတွေ့ရတယ်။ ပြီးတော့ တရုတ်မှာ ကိုယ်လိုချင်တဲ့ တံဆိပ်၊ ပုံစံအတိုင်း မှာလို့ရတယ်။ တချို့ ဆိုင်တွေက အတုနဲ့အစစ် ညှပ်ရောင်းတာမျိုးတွေရှိတယ်။ တချို့ဆိုရင် ဘူးအမှန်ထဲမှာ ကိုယ်တိုင်လုပ်တဲ့ မိတ်ကပ် ထည့်ရောင်းတာမျိုးတွေလည်းရှိ တယ်။ ဒါမျိုးတွေကျတော့ နယ်မှာ ပိုတွေ့ရတယ်။ ဘာပဲဖြစ်ဖြစ် ဈေးကွက်ထဲ ရောက်လာတဲ့ပစ္စည်းတွေဆိုရင် အခွန်ဆောင်တာ မဆောင်တာ နောက်ထား။ သုံးစွဲလို့အန္တရာယ် ဖြစ်နိုင်မဖြစ်နိုင်ကို စစ်ဆေးပြီးမှ ရောင်းချခွင့်ပေးသင့်တယ်လို့ ထင်တယ်’’ဟု အလှကုန်ဖြန့်ချိရေး လုပ်ကိုင်သူတစ်ဦး က ပြောပါသည်။

မူရင်းစာမျက်နာသို့

လှချင်သူများ အိပ်စက်ချိန် လည်းသိအောင် အလှပြင်နည်းများ .............

Mg Mandalay

လှချင်သူများ အိပ်စက်ချိန် လည်းသိအောင် အလှပြင်နည်းများ .............

သင့် အလှအတွက် အိပ်ချိန်တွေကို ထိထိရောက်ရောက် အကျိုးရှိအောင် အသုံးချ တတ်ပါရဲ့လား။ လူ့ဘဝရဲ့ သုံးပုံတစ်ပုံခန့် အချိန်တွေကို အိပ်စက်ခြင်းနဲ့ ကုန်ဆုံးစေတဲ့ အတွက် အိပ်ချိန်တွေကိုပါ အကျိုးရှိအောင် အသုံးချသင့်ပါတယ်။ ဒါမှသာ မနက်ခင်း သင်နိုးထလာတဲ့အခါ လှလှပပနဲ့ လန်းလန်းဆန်းဆန်း နိုးထလာမှာ ဖြစ်ပါတယ်။

- အိပ်စက်စဉ် ကိုယ်ဟန်အနေအထာ

းက အရေးကြီးပါတယ်။ မှောက်ခုံ မအိပ်ပါနဲ့။ သင့်အရေပြားအတွက်ရော၊ သင့်ခါးအတွက်ပါ မကောင်းပါဘူး။ ပျမ်းမျှအားဖြင့် လူတစ်ယောက်ရဲ့ ဦးခေါင်းဟာ ရှစ်ပေါင်ခန့် လေးပါတယ်။ မှောက်ခုံအိပ်ရင် အဲဒီအလေးချိန်က သင့်မျက်နှာပေါ်ကို ဖိစီးကျရောက်နေပါလိမ့်မယ်။ ဒါကြောင့် မနက်ခင်းနိုးထလာတဲ့အချိန် သင့်မျက်နှာမှာ အရေးကြောင်းတွေ ဖြစ်နေပါလိမ့်မယ်။ ပက်လက်အိပ်တာကသာ သင့်အလှအပ အတွက် အကောင်းဆုံးပါပဲ။
...

- တစ်နေ့လုံး သင့်မျက်နှာမှာ ကပ်နေမယ့် အညစ်အကြေးတွေကို ညအိပ်ရာမဝင်ခင် ဖယ်ရှားသန့်စင်ပေးပါ။ ပြီးရင် ညအိပ်ရာဝင်ချိန် သင့်အရေပြားကို အစိုဓာတ် ထိန်းပေးထားဖို့အတွက် Night Cream လိမ်းပေးပါ။ မျက်လုံးထောင့်က ကျီးခြေရာ အရေးကြောင်းတွေကို လျော့ပါး သက်သာစေဖို့အတွက် Eye Cream ကို ညင်ညင် သာသာ လိမ်းပေးပါ။

- သင့်ခြေထောက်တွေ ကြမ်းတမ်း အက်ကွဲနေရင် ညအိပ်ရာဝင်ချိန်မှာ Vaseline Pertroleum Jelly ကို သုတ်လိမ်းပြီး ချည်သား ခြေအိတ်စွပ်ပါ။
- အိပ်ရာဝင်ချိန် သင့်လက်သည်းက Cuticle တွေပေါ်မှာ သံလွင်ဆီ သုတ်လိမ်းပေးရင် လက်သည်းတွေကို ကျန်းမာလှပစေပါတယ်။
Health

ခေါင်းလျှော်ရည် ရွေးချယ်ရာတွင် .......

Mg Mandalay

ခေါင်းလျှော်ရည် ရွေးချယ်ရာတွင် .......
( လူလည်းလှ ဆံပင်လည်းလှ ..... မျှဝေပေးသည် Mg Mandalay )

ပုံမှန်ဆံပင်ထိန်းသိမ်းစောင့်ရှောက်မှုမှာ ခေါင်းလျှော်ရည်တွေဟာ အရေးကြီးတဲ့ အခန်းကဏ္ဍက ပါဝင်ပါတယ်။ ဆံပင်ကို အညစ်အကြေးတွေမှ ပင်စင်ပြီး သန့်ရှင်းစင်ကြယ်သွားစေဖို့အတွက် ခေါင်းလျှော်ရည်နဲ့ ပုံမှန်ခေါင်းလျှော် ပေးရပါတယ်။ လူတစ်ယောက်နဲ့ တစ်ယောက် ဆံပင်သားအမျိုးအစားနဲ့ အခြေအနေတွေ မတူညီတဲ့အတွက် အသုံးပြုသင့

်တဲ့ ခေါင်းလျှော်ရည် အမျိုးအစားတွေလည်း မတူကြပါဘူး။

တွေ့ကရာခေါင်းလျှော်ရည်ကို ဝယ်သုံးပြီး ခေါင်းလျှော်တာမျိုးမလုပ်ဘဲ သင့်တော်တဲ့ ခေါင်းလျှော်ရည်ကို အသုံးပြုပေးရင် သင့်ဆံပင်ရဲ့ ကျန်းမာလှပမှုကို ပထမတန်းစား အခြေအနေဖြစ်အောင် ထိန်းသိမ်းထားနိုင်မှာပါ။

အရည်အသွေးကောင်းတဲ့ ခေါင်းလျှော်ရည်ကို သုံးပါ
ဘယ်လိုခေါင်းလျှော်ရည်ပဲဖြစ်ဖြစ် အားလုံးအတူတူပဲလို့ မထင်ပါနဲ့။ အရည်အသွေးညံ့တဲ့ ခေါင်းလျှော်ရည်တွေဟာ ခေါင်းလျှော်ပြီးတဲ့အခါ သင့်ဆံပင်တွေကို ကြမ်းတမ်း ခြောက်သွေ့ သွားစေရုံသာမက ဆံပင်ပေါ်မှာလည်း ခေါင်းလျှော်ရည် အကြွင်းအကျန်တွေ ကျန်ရှိနေတတ်ပါတယ်။

ဒါကြောင့် အရည်အသွေးကောင်းတဲ့ ခေါင်းလျှော်ရည်ကို ရှာဖွေဖို့လိုပါတယ်။ ပါးပြီးပျော့တဲ့ ဆံပင်တွေအတွက် ပရိုတင်းကြွယ်ဝတဲ့ ခေါင်းလျှော်ရည်ကို သုံးပါ သင့်ဆံပင်ဟာ ပါးပြီး နူးညံ့ပျော့ပျောင်းတဲ့ ဆံပင်သားမျိုးဆိုရင် သင့်ဆံပင်ကို အားဖြည့်ပေးဖို့လိုအပ်ပါတယ်။

ပရိုတင်းကြွယ်ဝတဲ့ ခေါင်းလျှော်ရည် (Protein Enriched Shampoo)ဟာ သင့်ဆံပင်ကို အားဖြည့်ပေးနိုင်ပြိး ထိခိုက်နိုင်ခြေနည်းစေပါတယ်။ ပါးပြီးပျော့တဲ့ ဆံပင်တွေဟာ ဆံပင်ကိုအုံထူစေတဲ့ Volumising Shampoo ကိုသုံးရင်လည်း အကျိုးရှိပါတယ်။

ကောက်တဲ့ဆံပင် ဒါမှမဟုတ်ခြောက်သွေ့တဲ့ ဆံပင်အတွက် အစိုဓာတ်ဖြည့်ပေးတဲ့ ခေါင်းလျှော်ရည်ကို သုံးပါ။

သင့်ဆံပင်က ခြောက်သွေ့ရင် ဆံပင်ကို အစိုဓာတ်ဖြည့်ပေးနိုင်တဲ့ ခေါင်းလျှော်ရည် (Moisturising Shampoo) ကိုသုံးပါ။ ကောက်တဲ့ဆံပင်တွေဟာလည်း အများအားဖြင့် ခြောက်သွေ့တတ်ပြီး Moisturising Shampoo သုံးရင် ပိုကြည့်ကောင်းစေပါတယ်။ ကြမ်းတမ်းခြောက်သွေ့တဲ့ ဆံပင်နဲ့ ကောက်တဲ့ ဆံပင်တွေကို နေ့စဉ်ခေါင်းလျှော်ဖို့ မလိုအပ်ပါဘူး။ တစ်ပတ်မှာ တစ်ကြိမ်ဒါမှမဟုတ် နှစ်ကြိမ်ခန့်သာ Moisturising Shampoo နဲ့ လျှော်ပေးသင့်ပါတယ်။

ဆံပင်ရေစိုနေစဉ် အထူးဂရုစိုက်ပါ ...
ဆံပင်ဟာ ရေစိုနေတဲ့အခါ ပိုပြီးထိခိုက်လွယ်တတ်ပါတယ်။ ဒါကြောင့် ခေါင်းလျှော် ပြီးနောက် ရေစိုနေစဉ်မှာ အထူးဂရုစိုက်ကိုင်တွယ်ဖို့ အရေးကြီးပါတယ်။ သင့်ဆံပင်ဟာ ခေါင်းလျှော်ပြီး နောက်မှာ ရှုပ်ထွေးလိမ်ငြိနေတတ်ရင် ပျော့ဆေး (Conditioner) ထည့်ပြီး ရေပြန်မဆေးခင် ဆံပင်ကို ဖြည်းဖြည်းနဲ့ ညင်ညင်သာသာ ရှင်းဖို့အတွက် အသွားကျဲတဲ့ ဘီးကိုသုံးပါ။

ခေါင်းလျှော်ပြီးရေစို ဆံပင်ကို မဖြီးပါနဲ့။ ဘီးကို ခေါင်းမှာ စိုက်ပြီး ရုတ်တရက် ပြန်ဆွဲ နှုတ်တာမျိုးလည်း မလုပ်ပါနဲ့။ ဒီနှစ်မျိုးစလုံးက ဆံပင်ကို ထိခိုက်စေနိုင်ပါတယ်။ ဆံပင်လေမှုတ်စက်(Dryer)သုံးမယ်ဆိုရင် အပူချိန် နိမ့်နိမ့်မှာ ထားပြီး ဖြည်းဖြည်းချင်းသာ လေမှုတ်တာက ဆံပင်ကို ထိခိုက် ပျက်စီးနိုင်ခြေကို နည်းစေပါတယ်။

ရေကူးပြီးရင် သန့်စင်ပေးနိုင်တဲ့ ခေါင်းလျှော်ရည်ကို သုံးပါ ကလိုရင်းနဲ့ ထိတွေ့မှုဟာ သင့်ဆံပင်ကို ထိခိုက်စေနိုင်ပါတယ်။ ဒါကြောင့် ကလိုရင်းခတ်ထားတဲ့ ရေကူးကန်မှာ ရေကူးရသင် အထူးသဖြင့် သင်ဟာ ပုံမှန် ရေကူးလေ့ရှိသူဆိုရင် သင့်တော်တဲ့ ခေါင်းလျှော်ရည်ကို သုံးဖို့ အရေးကြီးပါတယ်။ EDTA ပါဝင်ပြီး သန့်စင်ပေးနိုင်တဲ့ ခေါင်းလျှော်ရည် (Clariflying Shampoo) ကို သုံးပါ။

EDTA ဟာ ဆံပင်မှာ ကပ်နေမယ့် ကလိုရင်းတွေကို ဖယ်ရှားပေးနိုင်ပါတယ်။ ကလိုရင်းကြောင့် ဆံပင်ကို ထိခိုက်ပျက်စီးမှုနဲ့ ကော့ပါးဆာလ်ဖိုက်နဲ့ ပေါင်းပြီး ဆံပင်ကို တဖြည်းဖြည်း အစိမ်းရောင် သန်းစေနိုင်မှုတွေကို ကာကွယ်ပေးပါတယ်။ ရေကူးကန်ထဲကို မဆင်းခင် သန့်စင်တဲ့ ရိုးရိုးရေနဲ့ ဆံပင်ကို ရေစိုအောင် လုပ်ပါ။ ဒါဟာ သင်ရေကူးနေစဉ် ဆံပင်က စုပ်ယူမယ့် ကလိုရင်း ပမာဏကို နည်းစေနိုင်ပါတယ်။
Health